Меню
12+

Газета Корткеросского района - Кöрткерöс районса газет

10.04.2017 15:58 Понедельник
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!
Выпуск 12 от 31.03.2017 г.

Кöрткерöсса челядьöс кöсйöны велöдны сёрнитны комиöн

Автор: Нина КОЮШЕВА.
Редактор отдела

Юрсиктса быдмысь войтырлы коми кыв колö быть велöдны кыдз чужан кыв, шуисны «Коми войтыр» дiнмукостса öтйöза öтмунöмö пырысьяс чукöртчылöм вылын, кодi вöлi кольöм четвергö Кöрткерöсса школаын. «Гöгрöс пызан» сайö волiсны тшöтш велöдан юкöнын зiльысьяс.

Аддзысьлöм дырйи Кöрткерöс районса «Коми войтыр» öтмунöмö пырысь Светлана Ивашева юксис аслас тöждъясöн. Торйöн кö нывбабаöс майшöдлö сiйö, мый юрсиктса школаын велöдчысь челядь оз кужны сёрнитны комиöн. И медшöр помкаöн таын лоö, аньлöн висьталöм серти, мый школа-садйын оз пыдiсянь велöдны коми кыв. Светлана Ивашева да öтмунöмö мукöд пырысь лыддьöны тайö зэв ыджыд мытшöдöн коми кыв сöвмöдöмын. Такöд йитöдын и вöзйöны, мед юрсиктса школаын коми кыв велöдiсны кыдз чужан кыв.

Сёрниöн ли сöмын кольö, либö и збыль та серти уджыс вöрзяс, петкöдлас кад. Но пыр жö «гöгрöс пызан» са-йын пукалысьяс вöчисны кывкöртöд да индiсны индöдъяс. Сiдз, юрсиктса быд велöданiнлы (татчö пырöны и детсадъяс) тшöктiсны быть нуöдны бать-мамкöд сёрни коми кыв кыдз чужан кыв велöдöмлысь тöдчанлун пасйöм могысь, туявны велöдчыны кöсйысьяслысь лыд да сiдз водзö.

Ас нимсянь содта, олам Комиын да чужан кывтö, дерт, колö радейтны да пыдди пуктыны, оз ков сiйöс увтыртны. Но мыйла кö артмö ставыс мöдарö. Сiдз, районын нуöдсьö зэв уна культурнöй да спортивнöй мероприятие. Но коми сёрни гежöда кылан, оз тшöкыда юргыны и коми сьыланкывъяс. Сэк жö уна организация-предприятиелöн эм асланыс сайтъяс öтуввезйын, но комиöн сэнi оз жö гижасьны. А мыйла сiдзкö шензям, мый быдмысь войтыр оз комиöн сёрнитны?

Добавить комментарий

Добавлять комментарии могут только зарегистрированные и авторизованные пользователи.

25