16+

Газета Корткеросского района - Кöрткерöс районса газет

Главная / Новости / Коми войтырлöн конференция
20.11.2017 14:19
  • 12

Коми войтырлöн конференция

Аски, вöльгым 21 лунö, Кöрткерöсса культура да шойччан шöринын мунас «Коми войтыр» дінмукостса öтйöза öтмунöмлöн районса конференция. Таво сійöс лоö сиöма коми гижысь Виктор Савинлы.

Конференция вылын коми войтыр бара на кыпöдасны тöдчана мытшöд-юалöмъяс. На лыдын сикт-грездын производство сöвмöдöм да йöзöс уджöн могмöдöм, Шойнатысянь Одыбöдз, Сыктывкарсянь Мордінöдз, Кöрткерöссянь Маджаöдз туйяс бура дзоньталöм да Шойнатыын шыбласъяс чукöртан полигон уджö пыртöм, Ыджыдвиддзын челядьлы сад вöчöм. Пансьылас сёрни и коми кыв водзö сöвмöдöм да йöз пöвстын сійöс паськöдöм йылысь.

Конференция дырйи сёрнитасны «Нёбдін» сикт овмöдчöминöн юралысь Валерий Савин да Виктор Савин нима музейöн веськӧдлысь Галина Микушева. Дерт жӧ, на сёрниын медшӧр нырвизьӧн лоӧ коми гижысь В. Савинлысь тшупӧда пас (2018 вося вöльгым 21 лунӧ чужан лунсянь тырӧ 130 во) тыр-бура пасйӧм йылысь. Коми войтыр дасьтӧмаӧсь шыӧдчӧм районса администрацияӧн веськӧдлысьяс дорӧ, медым локтан воыс Кӧрткерӧс районын мунас Виктор Савинлӧн ним улын.

Став мытшӧд-юалӧмыс, дерт жӧ, тӧдчана. Та могысь конференция уджӧ пырӧдчасны оз сӧмын ӧтмунӧмӧ пырысьяс да сиктса войтыр, но и районса веськӧдлысьяс, республикаса уна сикас министерствоясын зільысьяс.

Автор: Нина КОЮШЕВА.
редактор отдела

Оцените, пожалуйста, этот материал по 5-балльной шкале:

Выберите один вариант

Всего проголосовало 0 человек

20.11.2017 - 20.12.2017

Добавить комментарий

Добавлять комментарии могут только зарегистрированные и авторизованные пользователи.

Реклама

Вверх