Меню
12+

Газета Корткеросского района - Кöрткерöс районса газет

05.11.2014 15:45 Среда
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!
Выпуск 44 от 30.10.2014 г.

Ёна и гажöдiс Кино Вась

Со и коли гожöм, ывлавывса уджъяс сиктса йöзлöн эштöдöма, а сiдзкö позьö и шойччыштны.

Водзвыв сёрнитчим Ыджыдвидзса ветеранъяслöн сöветкöд аддзысьлöм йылысь. И со, йирым 26 лунö, Пезмöгö волiсны гöсьтъ­яс. Ми найöс вочаалiм сиктса клубын коми обрядöн, сьылiм да козьналiм казьтылана козин. Гöсьтъяс абу жö куш киöн локтöмаöсь. Зiль йöз асывсянь пöжасьöмаöсь, ва­йöмаöсь уна сикас салат. Ыджыдвидзсаяс козьналiсны миянлы «зарни ныв». Эз кö висьтавны, мый сiйöс вöчöмаöсь газетысь, ми и думыштны эг кужöй, сэтшöм сiйö пельк да мича. Пызан сайын пöсь тшай юигмоз тöдмасим öта-мöдкöд, варовитiм-шмонитiм, видзöдiм сценка, кодöс петкöдлiсны Эльвира Ивановна да Ангелина Витальевна. Важ моз на шутлив Кино Вась, уна шмонь висьталiс. Аскöдыс вайöма и радейтана гудöксö. А кор мöдiс сы вылын ворсны, миян вомъяс асьныс воссисны сьывны, а кокъяс — йöктыны. Ёна и сьылiм да йöктiм. Сё пасибö сылы миянöс гажöдöмысь. Та­тшöм аддзысьлöмъяс кыпöдöны лов да ёнмöдöны ёртасьöм.

Добавить комментарий

Добавлять комментарии могут только зарегистрированные и авторизованные пользователи.

363