Колана петкöдчöм
Йирым тöлысьын Висерса школаö волiсны юркарысь «Сюрприз» нима интерактивнöй театрса артистъяс.
Найö уджалöны «Патриоты России» политическöй партиялöн да öттшöтш биысь видзан служба да йöзöс доръян Веськöдланiнлöн юрнуöдöм улын. Посньыд классын велöдчысьяс видзöдiсны «Спасите, помогите, или шалости Карлсона» петкöдчöм. /тчыд Малыш ордö локтiс Карлсон ёртыс. Гöсьт корö детинкаöс вильшасьыштны. Дуригмоз налöн артмö пöжар. Видзöдысьяс артистъяскöд тшöтш «кусöдiсны» би, тöдмавлiсны кусöдчысьлысь нöдкывъяс да вочавидзисны юалöмъяс вылö, новлöдлiсны ведраясöн ва, мездысисны биысь. Челядь зэв сьöлöмсянь да яра пырöдчисны ордйысьöмъясö, эз и тöдлыны кутшöм тэрыба коли пöшти час чöж петкöдчöм. Татшöм сяма петкöдчöмъяс отсöгöн челядь бурджыка гöгöрвоасны, мый биöн дурны оз позь!
Добавить комментарий
Добавлять комментарии могут только зарегистрированные и авторизованные пользователи.