Меню
12+

Газета Корткеросского района - Кöрткерöс районса газет

Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!
Выпуск 27 от 04.07.2014 г.

Зiльöны сиктсалысь олöм бурмöдöм вöсна

Автор: Нина КОЮШЕВА.
Корреспондент
Быд морт ньöбасьны мунтöдз медводз бöрйö вузасянiн. Нöшта, быд ньöбасьысь кöсйö аддзыны прилавок сайысь шань, варов вузасьысьöс, код дорын кокни ньöбасьны, кодi вермас висьтавны тöвар йылысь колана юöр, сетны бур сöвет. Но талун магазиныд кöть быд сикт-грездын тырмымöн, сöмын тай колана сёян-юан да тöвар он быдлаысь аддзы.

Сэк жö, öткымынлаын пыр на радейтöны сю­йышт­ны ньöбасьысьлы тшы­кöм тöвар, мöдлаын — чиркыштны, коймöдла­ын — вузасьысьыс прилавок сайын сулалö быттьö букшасьысь öш. Эм и сэ­тшöм вузасянiнъяс, кытчö веж­дöг пырны няйтлун вöсна. Но кыдзи тыдовтчис, бöръя кадö ньöбасьысьяс тшöкыдджыка кутiсны бöрйыны «Кöрт­керöс» ПО-лысь вузася­нiнъяс. Тор­йöн нин сикт-грездъ­­ясын олысьяс.

«Кöрткерöс» ПО-лöн Одыбса юкöнын талун 5 вузасянiн. Ставнас татчöс потребкооперацияын зi­льö 18 уджалысь. А юрнуöдö котырнас районса кооперацияса ветеран Александра Степановна Габова. Нывбабалöн уджалан стажыс тайö юкöнын матö нин 40 во.

Александра Габова школа помалöм бöрын ёна эз и мöвпав, кытчö мунны велöдчыны водзö, бöрйис Сыктывкарса потребкооперация техникум, кодöс помалöм бöрын медводз зiлис Висерса сельпоын. А сэсся вуджис уджавны да овны орчча Одыб сиктö. Дерт, 40 вотö уджалiгад быдторйыс вöлi, ковмис венны и сьöкыдлунъяс. Торйöн нин оз вунны 90-öд вояс. Странаын веж­сьöмъяс сэк ёна инмисны районса потребкоопера­циялöн уджö. Эз кокни вöв и Одыбса сельпоын зi­льысьяслы. Медым кутны ньöбасьысьöс ковмис ёна бергавны-уджавны, пыртны выльторъяс. И сöмын öтувъялун отсалiс кутчысьны «гыа ва вылын».

Александра Габовалöн висьталöм серти, талун «Кöрткерöс» ПО-лöн Одыб­са юкöнö пырö 5 вузасянiн, кытысь позьö ньöб­ны и сёян-юан, и паськöм, и мебель, и ов­мöсын вöдитчыны мукöд коланатор. Эм асланыс пекарня, кöнi пöжалöны оз сöмын нянь, но и мукöд пöжас. Эм вурсян цех, нуръясянiн. Во гöгöр чöж сиктса олысьяслöн эм позянлун вайны вузöсö градвыв пуктас да вотöс.

Мый медся тöдчанаыс, Одыбын потребкоопера­циялöн вузасянiнъяс су­лалöны оз öта-мöд бöрся, а быд ичöтик грездын: Роччиктын, Ягвылын, Одыб­лöн сикт шöрын, Тис­тын да Öзынын. Тайö бара жö бур сэтчöс олысьяслы, оз ков мунны бокö, а быд лун позьö ньöбасьны оланiнсянь неылын. Сэк жö, колана тöварыс кö абу матысса вузасянiын, то заказ серти регыдъя кадöн и ваясны ньöбасьысьлы мöд вузасянiнысь. Йöзлöн корöм серти эм и тöвар гортöдз ваян могмöс. Сiдз, мебель, öтруб, стрö­ит­­чан материал да мукöд гырысь тöвар магазин вайö ньöбасьысьлы гор­тöдз. Тайö бара жö кивыв ньöбасьысьлы, оз ков котравны-корсьны транспорт. Заказ серти «Кöртке­рöс» ПО-лöн Одыбса юкöнын позьö босьтны и мукöд могмöс. Шуам, вурсян цехын вурöдны паськöм, пöжасянiнын корны пö­жавны колана пöжас, нуръясянiнын вöчöдны джынвыйö дась сёян (полуфабрикат). И Одыбса тайö могмöсъяснас ёна пöльзуйтчöны.

Нöшта, аттьöалöм могысь татчöс вузасянiнъяс во помын пырся ньöба­сьысь­ясöс пасйöны козинöн.

Öти кывйöн, Одыбса потребкооперацияын уджалысьяс зiльöны сиктса вой­тырлысь олöм бур­мö­дöм могысь.

Добавить комментарий

Добавлять комментарии могут только зарегистрированные и авторизованные пользователи.

149