Уджтöмалысьяслы отсöг вылö
Районса уджöн могмöдан Шöринö тшöкыда шыöдчöны йöз, кодъяс эз ас кöсйöм серти лоны уджтöмалысьöн и бöр мöвпалöны лоны уджалысь мортöн. Шöринса специалистъяс, дерт, гöгöрвоöны налысь тöжд-могъяс да кыдз мый вермöны отсалöны корсьны татшöм войтырлы удж: öтвылысь туялöны районса уджаланiнъясысь тыртöм местаяс, вöзйöны вахта удж да велöдчöм и с.в. Но бöръя воясö районса уджöн могмöдан служба нöшта на бурмöдiс уджтöмалысьлы ассьыс могмöс сетöм. Кольöм вося тöв шöр тöлыссянь районса сикт-грездъясын мöдiс уджавны Шöринлöн мобильнöй офис.
Мый жö сiйö сэтшöмыс? Тайö ГАЗель машина, кытчö сувтöдöма уна сикас программаа кык компьютер, эм Интернет йитöд. Öти кывйöн кö, специалистъяслöн тайö ичöтик жыр, кöнi уджалöм могысь эм став условие.
Мобильнöй офис ветлö районса сикт-грездъясö торъя график серти. Со кольöм пекничаö сiйö волiс Пöдтыбок посёлокö и кыдз тыдовтчис, татшöм могмöс зэв колана. Сöмын офис удитiс восьтны ас¬сьыс öдзöс, а медводдза пыралысь вöлi танi нин. Посёлокса том ань шыöдчис специа¬лист Мария Кирушева дорö отсавны корсь¬ны пöварлысь удж. Компьютер от¬сöгöн öдйö и лои аддзöма некымын прöст уджалан места. Ань торйöн туялiс быд вöзйöм удж да аслыс тöд вылö босьтiс ко¬ланаöс да лöсяланаöс. Кад серти став вылас мунiс 20 минут.
Тадзи жö лои корсьöма да вöзйöма удж и мукöд уджтöмалысьлы, кодъяс тайö лунö пыралiсны мобильнöй офисö.
- Тöдчана-ö отсöг мобильнöй офислöн? — татшöм юалöмöн ми шыöдчим уджтöмалысьяс дорö.
«Дерт жö, колана да тöдчана, — вочави¬дзисны найö. — Öти-кö, оз ков мунны юрсиктöдз, öтвылысь и сьöм да кад видзтан».
Добавить комментарий
Добавлять комментарии могут только зарегистрированные и авторизованные пользователи.
