Меню
12+

Газета Корткеросского района - Кöрткерöс районса газет

Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!
Выпуск 11 от 20.03.2015 г.

«Лямпиада» йылысь тöдмаласны и суйöр сайын

Автор: Эдуард ПИМЕНОВ
Главный редактор

Воторникö Ыджыдвиддзын бара нуöдiсны «Лямпиада» республикаса лыжи фестиваль. Волiсны аслыссяма спорт гаж вылö, мый нуöдсьö öкмысöдысь нин, и мирса мастеръяслöн Кубокса ордйысьöмъяс вылö локтöм спортсменъяс. Но лямпа-лызьöн лым талявны видлiсны сöмын россияса спортсменъяс, а суйöрсаяс шойччисны-гажöдчисны коми сиктын.

Восьтiсны лыжи фестиваль Коми республикаса Правительствоöн веськöдлысьöс вежысь Тамара Николаева, Госсöветса веськöдлысь Игорь Ковзель, Кöрткерöс районса администрацияöн веськöдлысь Василий Гончаренко. Спортсменъясöс ышöдны волiсни  Госсöветса веськöдлысьöс вежысь Валерий Марков и депутат Иван Медведев, Сыктывкарса юралысь Иван Поздеев, кодi и ачыс на котралiс.

Гöстьöясöс видзаалiсны коми традицияяс серти: мегыр пыр, сэсся вöнь вомöн чеччалöмöн, корöсьöн вачкалöмöн. Чöсмöдлiсны сурöн да паренчаöн. Позис видлыны асьтö вöралан чöс туйын. А изьваса чумын позис видлыны кöр яя шыд.

Лыжиöн котралiсны 800 сайö морт, ичöтсянь верстьööдз. Бара жö котöртiсны чина войтыр. Медводдзаöн локтiс «Коми йöзöдчан керкаысь» веськöдлысь Вячеслав Попов, кодi ачыс Ыджыдвидзса.

Лызь-лямпаöн котöртны окотитысьысь вöлiны зэв унаöн, та вöсна торйöдiсны котыръясö: спортсменъяс, мужичöйяс, нывбабаяс да с.в.

Ывлаын вöлi зэв гажа. Нимкодьлун содтiс и шондiа поводдяыс да стартуйтан инсянь неылын меститчöм сцена вылын сьылöм-гажöдöм. Суйöрсайса войтырлы татшöм гажыс сьöлöм выланыс тöдчымöн ёна воис. Найö ньöбалiсны сувениръяс, чöсмасисны, йöктыштiсны и фотографируйтiсны быдсяма аслыспöлöслунсö.

Добавить комментарий

Добавлять комментарии могут только зарегистрированные и авторизованные пользователи.

466