Отсалам вичколы

Танi жö пыртлывлöмаöсь пузчужöм кагаясöс, сьылöдлöмаöсь кулöмаясöс, венчайтлöмаöсь гозйöдчысьясöс. Вичко небöгъясын став пасйöдыс вöлi морт чужöм да кулöм йылысь. А служитлöмаöсь тат­чöс вичкоын священникъясöн Фёдор Иоаннович Попов, Никифор Ионович Попов, Александр Алексиевич Щетинин, Василий Иоаннович Красов, Андрей Дмитриевич Волков, Иоанн Стефанович Покровский, Димитрий Александрович Покровский, Стефан Михайлович Попов.

Но Сöвет кадö большевикъяс, кыдзи и быдлаын, Пезмöгын вичко пöдлалöмаöсь. И со талун Устюгса вежа Прокопийлы сиöм вичко колясыс сулалö Пезмöг сикт­лöн лунвыв бокас да казьтылö коркöя гажа олöмсö.

2014-öд вося июль 11 лунö чукöртчы­лiсны сиктсаяс: нывбабаяс, мужичöйяс — матö 20 морт. Новлiсны лöп-ёг, мыська­лiсны, белитiсны. Тайö уджъяс вöчöм бöрын гоз-мöд лун мысти вежа ай Александр нуöдiс молебен. Уна жö и йöз чу­кöрмылiс. Волiс сиктса олысь Мария Степановна Турьева. Сы висьталöм серти, кольöма 80 сайö во, кор нуöдлöмаöсь медбöръя служба, сэки жö сiйöс и пыртлöмаöсь танi.

Кольöм вося гожöм-ар служба танi нуöдсис и пыр вöлi уна йöза. Но тöв пук­сьöм бöрын ковмис дугдыны нуöдны служ­басö, вывтi кöдзыд, уналатi виялö да ыргö, пачьяс абуöсь. Колö вöчны уна дзоньтасян удж, медым бöр ловзяс Пезмöгса вичкоын олöм да удж.

Шыöдчам став бур йöз дорö да корам отсыштны миянлы, дзоньтавны гожöм-арын вичко вевт.

Со тайö номера банковскöй счёт вылö по­зьö ыстыны сьöм: 42307810628780013068.