Нёбдiн нимлунасис
Кольöм субöтаö Нёбдiн гажöдчис сиктлы 370 во тырöмкöд йитöдын.
Традиция серти нин гöстьясöс да сиктсаöс медводз видзаалiсны Виктора Савин нима музейын. Сэтчöс веськöдлысь Галина Микушева буретш тайö лун кежлö лöсьöдöма Нёбдiн йылысь история: сикт йылысь медводдза казьтылöм, Опонасей ярманга, гражданскöй война, коллективизация, Великöй Отечественнöй тыш да сiдзи водзö öнiя кадöдз.
А сиктса культура керкаын ярмангаасисны нин. Пöжас, яй, шашлык да пöсь чай, ас вöчöмтор, — ньöб мый кöсъян. Фойеын жö вöлi фотовыставка, сикт йылысь кажитчана снимоклы колiс сетны ассьыд гöлöс. Гöстьяс и сиктсаяс зэв ёна виччысисны гажся концерт. Сиктса самодеятельсность ставнысö, кыдз жуасны «пöсьöдiсны» пыранiнсянь нин. Видзöдысьыс чукöрмöма зал тыр. Гажöдiсны нёбдiнсаяс, пöдтыбоксаяс, шойнатысаяс.
Чолöмалiсны сиктсаöс «Кöрткерöс» районса администрацияöн веськöдлысь Василий Гончаренко, Коми республикаса Госсöветысь депутат Татьяна Саладина. Сиктса юралысь Валерий Савин чолöмалiс медтом да медыджыд арлыда олысьясöс. Козинъясöн пасйисны и ыджыд пас тыртысьяслы.
Добавить комментарий
Добавлять комментарии могут только зарегистрированные и авторизованные пользователи.
