Меню
12+

Газета Корткеросского района - Кöрткерöс районса газет

03.02.2016 09:03 Среда
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!
Выпуск 5 от 05.02.2016 г.

«Ловъя кывйын» выль аудиогижöдъяс

Öнi живоекомислово.рф сайтын позьö кывзыны республикаса кывбуралысьясöс. Сайтö содтöд пыртöма кыксёысь унджык гижöд.

«Художественнöй литература» юкöдö содтiсны татшöм гижысьясöс, кыдзи Галина Бутырева, Геннадий Юшков, Владимир Тимин, Василий Лодыгин да уна мукöдöс. Бöрйöм кывбуръяссö лыддьöны асьныс гижысьяс. Ас кадö став гижöдъяссö пыртiсны öтувтöм аудиодискö, мый лоис «Арт» литературно-публицистическöй журнал дорö содтöдöн. Öнi, гижöмъяссö оцифруйтöм бöрын, накöд вермас тöдмасьны быд окотитысь.

Библиотекаын медшöр куим юкöд, найöс сиöмаöсь челядьлы, томуловлы да художественнöй литературалы. Регыд содасны гижöмъяс «Сьыланкывъяс» да «Видеоархив» юкöдъясын.

Проект котыртысьяс пасйöны, интернет-библиотека лоас зэв колана отсасьысьöн коми кыв велöдысьяслы, налы, кодi ачыс велöдö коми кыв, да бать-мамлы челядьлы мойдъяс да висьтъяс «чöжанöн» (копилкаöн).

Сiдзжö сайтö пыралысьяс вермасны вöзйыны ассьыныс мöвпъяс аудиобиблиотека тыртöм могысь. Тайöс тi верманныд вöчны сайтлöн «Служба поддержки» юкöд, artkomi@mail.ru электроннöй пошта либö мукöд йитöдъяс пыр, мый эм сайтын.

* «Ловъя кыв» сайт лöсьöдöм йылысь мöвп чужис 2015 воын, Удораын «Коми книга» гаж дырйи. Сылöн автор – Луздор районса администрацияöн öнiя веськöдлысь Анатолий Родов. Проектсö лöсьöдiсны öтув «Арт» журнал редакция, Коми Республикаса ТОС Ассоциация да Йöзкостса коми радио, налы отсалiс Коми Республикаса юöр сетан да печать Агентство.

Добавить комментарий

Добавлять комментарии могут только зарегистрированные и авторизованные пользователи.

172