Меню
16+

Газета Корткеросского района - Кöрткерöс районса газет

29.03.2019 10:23 Пятница
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!
Выпуск 12 от 22.03.2019 г.

Важкуръяса клублы - 5!

Важкуръя сиктса ветеранъяслöн сöвет.

Рака (март) 16 лунö Важкуръя сиктса клуб пасйис ассьыс 5 во.

Тайöтшупöда пас кежлö ёна лöсьöдчисны-дасьтысисны и клубын уджалысьяс, и сиктса войтыр.

Клубын кöзяйка-веськöдлысь — Мария Анатольевна Кирушева. Сiйö институт помалöм б\рын локтiс уджавны выль клубö Ачыс ичöт тушаа, авъя, йöз дорö сибыд да збой кужис котыртны клуб бердын челядьлысь да верстьöлысь котыръяс. Мария Анатольевна радейтö ассьыс уджсö. Ачыс сiдзи и шуö: «Тайö менам!».

Вит воöн М.А. Кирушева аслас котыркöд кон­цертъясöн петалiсны Вомынö, Ыджыдвиддзö, Ма­джаö, Шойнатыö, Приозёрнöйö. Сцена вылын петкöд­чöны весиг семьяясöн — Игнатовъяс, Михайловъяс, Поповъяс и Мишаринъяс. Йöзлы сьöлöм вылö воö Арина Турьевалöн сьылöмыс.

Медводз, кор пыран клубö, синмö шыбитчö ортсыладор мичмöдöм-лöсьöдöм. Пыр зэв мича, быд мероприятие кежлö аслыспöлöcа гажöдöм. Концертъяс дырйи пыр аддзам да нимкодясям шмонитана, йöктан, театральнöй петкöдчöмъясöн.

Тшупöда паслы сиöм рыт заводитчис слайдъяс петкöдлöмöн, кöнi видзöдысьяс аддзисны и ассьыныс снимокъяс. Медводз кыв сетiсны сикт овмöдчöминöн юралысь Софья Богадевичлы. Сiйö чолöмалiс юбилейöн да козьналiс юмов козин. Гажлун вылö волiсны дона гöсьтъяс и Кулöмдiн i районысь — тайö Дон сиктысь «Донские зори» нима мужичöйяслöн котыр. Сиктса олысьяслы воис сьöлöм вылö налöн петкöдчöмыс. Бура гажöдiсны и Шойнатыысь художествоа самодеятельностьö пырысьяс Надежда, Татьяна да Владимир. Ставныс ёна и кекöначасисны, корисны нöшта на волыны.

Концерт мунiс матö кык час, но некодi эз тэрмась мунны.

Мария Анатольевна некодöс эз вунöд, кодi сылы отсасис тайö вит воöн. Ставныслы сетiс козин да диплом.

Ми сиам Мария Анатольевналы и водзö гажöдны йöзöс бур концертъясöн, аттьö бур уджсьыс, гаж пестöмысь, ловру кыпöдöмысь. А клубö йöз пыр локтасны: налы кажитчö сьöлöмсянь уджалысь тайö нывбабаыс.

Добавить комментарий

Добавлять комментарии могут только зарегистрированные и авторизованные пользователи.

5