Коми КВНын вермисны Одыбысь командаяс

Коми культура шöрин юöртiс, орд-йысьöмсö шуисны вöчны восьсаöн, а сідзкö конкурсас вермисны пырöдчыны мукöд кар-районъясысь котыръяс. Таво ворсісны Кöрткерöс районысь «Одыбса репас» да «Коланторъяс», а нöшта перымса «Кашкавда». Сыктывкарсянь КВНын петкöдчисны ставлы тöдса «КилоМэтръяс» да «Эжвайывса бабаяс».

Конкурсыс вöлі онлайн: командаяс водзвыв ыстісны видеояс. Йöзыд öд велалісны аддзыны ворсысьясöс сценаысь, а öні командаяс снимайтчöмаöсь и уличын, и сиктса керкаын, и карса патераын. Тавося КВНын вöлі сöмын öти конкурс – шылада гортса удж «Сюзь Матвейлöн быдтасъяс». Сэні медъёна шмонитісны, дерт жö, коронавирус йылысь.

Конкурссö гортса коз пу дорын сулалöмöн нуöдіс изьваса «бандерлог» Григорий Пыстин: сійöс видеосянь жö ставöн аддзисны-кывзісны.

Командаясöс донъялісны: коми КВНлы подув пуктысь гижысь Анжелика Геннадьевна Елфимова, «Юрган» телеканалысь нималана журналист