Вичкотӧм сиктыд – быттьӧ ловтӧм морт!

Июль 12-ӧд лунӧ православнӧй войтыр пасйӧны Вежа апостолъяс Петыр да Павел лун.

Витӧд во нин тайӧ лунас праздничнӧй служба нуӧдӧны Нёбдін сиктса Петыр да Павел нима важся вичкоын, кодӧс пӧль-пӧчьяс лэптылӧмаӧсь 1785-ӧд воын на. Позьӧ шуны, Нёбдінын пуысь вӧчӧм вичкоыс Коми пасьта медся важ. Став стьӧкыдлунсӧ йӧзкӧд ӧттшӧтш веніс тайӧ вичкоыс: революция, гражданскӧй война, немечьячскӧд 1941-45-ӧд воясӧ Ыджыд война – быттьӧ енмыс видзӧма миянлы тайӧ старӧйбасӧ. «Босьтӧй, ловзьӧдӧй, – шуӧ. – Локтӧй татчӧ юрбитны, сӧстӧммӧдӧй сьӧлӧмтӧ да ловтӧ!». Некодлы татчӧс олысьяс пиысь эз вӧв делӧ важ вичко дорӧ уна во чӧж. Но, со аддзысисны йӧз, кодъяслӧн ӧзйис, висьмис сьӧлӧмыс чӧвтӧм 200 вося стрӧйба вӧсна.