Районын воссясны ФАП-яс
«Дзоньвидзалун видзöм» нацпроект серти 2019 восянь миян районын шуöма стрöитны 5 выль ФАП. На пиысь кыкыс – Важкуръяын да Нёбдiнын – уджалöны нин, примитöны висьысьясöс. Матысса кадö восьтас öдзöсъяс Вомын сиктын бурдöдчанiн. А во помöдз воссясны ФАП-яс и Визябöж посёлокын да Ыджыдвиддзын.
Визябöж посёлокын ФАП-ыс эштöданвыйын, кольöма благоустроитны сы дiнысь территория.
Кыдзи висьталiс Корткерöсса больничаысь медшöр врач Алексей Чуркин, выль бурдöдчанiныс ыджыд. Сэнi лоöны висьысьясöс примитан, видлалан, прививкаяс-процедураяс вöчан кабинетъяс. Выль ФАП-ö лоö лöсьöдöма öнiя кадся колана оборудование.
Колö пасйыны, мый районын стрöитöм выль бурдöдчанiнъяс сетöны позянлун медицинаса уджалысьялы примитны сиктса олысьясöс лöсьыдджык условиеясын, а сiдзжö ас кадö да бура могмöдны медицина отсöгöн.
Александра ДОРОНИНА.
Добавить комментарий
Добавлять комментарии могут только зарегистрированные и авторизованные пользователи.
