Меню
16+

Газета Корткеросского района - Кöрткерöс районса газет

26.11.2020 12:49 Четверг
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!
Выпуск 46 от 20.11.2020 г.

Любовь КИРУШЕВА: «Майшöдана сёрниыс öкмö тай»

«Коми войтыр» öтмунöмлöн районын тавося чукöртчöмлöн шöр темаыс: «Вöр – миян озырлун».

Но, дерт, майшöдана сёрниыс унджык. Со и коронависьöм вöсна, конференция ковмис нуöдны ылысмöдчöмöн. Кольöм во вöлi бöрйöма «Коми войтыр» öтмунöмö выль веськöдлысьясöс, тшöтш и районын. Мый вöчöма во гöгöрöн, висьталö «Коми войтыр» öтмунöм районын представительствоöн веськöдлысь Любовь Кирушева.

- Колян бöрйысян чукöртчöмсянь коли во. Вежсьöмыс лоис миян олöмын уна. Республикаын выль Юралысь, Правительство да Канал Сöвет. Райöнын выль депутатъяслöн кöрпус.

Кöрткерöс райöнса «Кöми вöйтырлöн» выль Президиумлöн уджыс завöдитчис дзик пыр жö. Декабрын вöлi коми нывъяс костын «Райда» конкурс. Миян Ксения Мишарина, кöдi сöмын на пöмалöма 9 класс (гöрд аттестатöн) бöсьтiс «Медся муса ныв» ним.

Конференциялöн вöзйöмъяс пырисны «Кöрткерöс» муниципальнöй райöнса администрациялöн Шуöмö. Тöвся каникулъяс бöрын выль представительствöлöн заседание дырйи райöнса администрацияöн веськöдлысьлысь удж вöчысь Константин Сажин да юкöнъясöн веськöдлысьяс висьталiсны, кыдзи кутасны пöртны öлöмö резöлюцияö пыртöм вöзйöмъяс. Лöсьöдiм уджалан визь. Представительствö вылын вöлi бöрйöма сизим морта Президиум. Дасьтысим кöми войтырлöн 12 съезд кежлö. Забеднö, мый лёк грипп вöсна эз лэдзны нуöдны Лямпиада. Вöлi дасьтöма Представительстволысь смета да уналаö ветлöм, весиг орчча райöнъясö. öтвылысь гижим нималана поэт да журналист Василий Григорьевич Лодыгинлöн текст серти коми диктант.

Кöрткерöсса школаын аддзысьлiм школаса директор да завучкöд, сэсся бать-мамкöд, сёрнитiм «Мыйла колö школаын бöрйыны коми кыв?» Ад-дзысьлiм Мöнди СЛПК петкöдлысьяскöд, кывзiм 2019 вöся отчёт да 2020 во вылö планъяс.

Коми войтырлöн XII Съезд дырйи öтмунöмлöн документъяссö пыртöма уна вежсьöм, лои бöрйöма öтмунöмöн веськöдлысьöс да Испöлкöмö пырысьясöс.

Тулыснас библиотекаяс, культура керкаяс да школаяс уджалiсны онлайн пыр. Ми тшöтш пырчим быд сикас конкурсö, мый вöлi йитчöма коми кыв, культура да олöмкöд. Ёртасим да босьтiм дипломъяс, грамотаяс Республикаса ёртасян керкасянь, Сыктывкарса да Эжваса культура шöринъяссянь. Сiдзжö ёртасим республикаса библиотекаяскöд, пыртчим налöн конкурсъясö да викторинаясö. Ертасим коми и роч кывъя газет-журналкöд. Пырöдчим налöн конкурсъясö.

Öтуввезйын «ВКонтактеын» миян эм «Кöрткерöс районса Коми войтыр» кöтыр. Тавося конференция буретш сэнi кутам петкöдлыны. Делегатъяс кутасны сёрнитны оз сöмын «Вöр – миян озырлун» тема серти. Во чöжнад тыдöвтчис и уна мукöд ёсь сьöкыдлун, мый пöзяс разьны сöмын öтув.

Добавить комментарий

Добавлять комментарии могут только зарегистрированные и авторизованные пользователи.

23