Меню
16+

Газета Корткеросского района - Кöрткерöс районса газет

Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!
Выпуск 6 от 17.02.2017 г.

Пасъям Чужан кывлысь лун!

«Коми войтыр» Дiнмукостса öтйöза öтмунöм вöзйö урасьöм (февраль) 21 лунö, Войтыркостса чужан кывлöн лунö, нуöдны коми войтырлысь кыв да культура паськöдöм могысь мероприятиеяс, на лыдын и коми кыв вылын öтувъя диктант.

Уськöдам тöд вылö, мый коми кыв вылын диктант акция нуöдны ышöдысьнас лоö «МИ» коми томуловлöн

Öтув. 2015 воö диктант гижöдлöн авторöн вöлi республикаса народнöй кывбуралысь Владимир Тимин, 2016 воын — коми поэтесса Галина Бутырева. Таво диктант нуöдасны коймöдысь, гижöдлöн авторöн лоас литературовед, коми поэтесса Алёна Ельцова.

Диктант гижасны республикаса каръясын да районъясын, а сiдзжö Москваын да Санкт-Петербургын. Сыктывкарын диктант нуöдасны Коми Республикаса национальнöй библиотекаын урасьöм 19 лунö.

Öтувъя диктант котыртысьяс корöны пырöдчыны и мукöд мероприятиеясö. Сiдз, Сыктывкарын урасьöм 21 лунö «МИ» да «Коми войтырлöн» карса представительство петкöдлысьяс нуöдасны уличвывса акция: мунысь-ветлыськöд сёрнитасны комиöн, разöдасны коми-роч сёрниа листовка-кабалаяс да коми газет-журналъяс. Тайö жö лунö «Коми войтыр» МОД нуöдас «Чужан кыв лунöн!» интернет-акция (ВКонтактеын). Акцияö пырöдчысьяслы колö Вконтакте ас лист бокын йöзöдны коми поэтъяслысь кывбуръяс да гижысьяслöн гижöдъясысь висьталöмтор (пасйыны авторсö), коми кывйöзъяс, шусьöгъяс, нöдкывъяс, кывбертласъяс (скороговорка), кывбуръяса видеороликъяс да сiдзи водзö. И быд юöрö пасйыны «Чужан кыв лунöн!» юрним. Акциялöн корöм серти, «Чужан кыв лунöн!» юрнима став юöръяслы колö вöчны перепост. Медшöр юöръясöн позьö тöдмасьны «Ми — Коми войтыр» группаын (https://vk.com/mi_komi).

Добавить комментарий

Добавлять комментарии могут только зарегистрированные и авторизованные пользователи.

29