Пöдтыысь вугралiм чери
Иван лунö Кöрткерöс районса нывбабаяслöн котыръяс чукöртчылiсны Пöдтыбокö. А öтвутiс найöс «Шед чери гырысь да ичöт» чери кыйöм кузя квайтöд фестиваль.
Кольöм воясö тайö ордйысьöмö пырöдчылöмаöсь посёлокса войтыр, а таво — районса сиктъясысь женсöветъяс.
Луншöр кад кежлö ми воöдчим Пöдты дорö — тайö чери кыянiн, кодöс кутöдöзьöр улын Владимир Александрович Михайлов. Быд сиктсянь вöлi куим чери кыйысь, пудъясьöм бöрын кык час чöж вуграсим.
Вöлi и жюри, найö донъялiсны кыйдöс сьöкта серти. Ордйысьöмын вермысьясöн лоины Пöдтыбоксаяс, буракö, черияс кöть и пыдын юраöсь, а ас йöзтö тöдöны. Либö бокиысь вайöм нидзувыд абу чöскыд налы. А ми, Висерса котыр, кöть кыйим медэтша — ньöти ог шогсьöй. Öд абу тайö тöдчанаыс, фестиваль сетшс позянлун бурпöт шойччыны, аддзысьлыны нывъёртъяскöд да вöр-ваöн любуйтчыны! А Пöдты меститчöма зэв мича да гажа инö!
Кыйсьöм бöрын жюри зэв зiля веситалiс чери, вöчисны кывкöртöд: сеталiсны быд командалы грамота да мича кубок. А медводдза места шедöдысьяслы козьналiсны нöшта и кастрюля.
Помасис фестиваль чöскыд юква сёйöмöн, сьылöм-йöктöмъясöн! Ок и пöттöдз сералiм да гажöдчим, тыр морöсöн лолалiм чöскыд сынöднас.
Аттьö Пöдтыбоксаяслы, мый кыскылiсны татшöм кыпыд мероприятие вылö. Кутам дасьтысьны мöд вося фестиваль вылö.
Фестиваль нуöдны сьöмöн отсалшсны ас вылö уджалысьяс Владимир Александрович Михайлов да Александр Владиславович Милош, ассьыныс пай пуктшс и Пöдтыбокса нывбабаяслöн котыр.
Добавить комментарий
Добавлять комментарии могут только зарегистрированные и авторизованные пользователи.
