Джиянын пасйисны Иван лун
Гажсö восьтiс «Ыджыдвидз» сикт овмöдчöминса юралысь Николай Симпелев, кодi чолöмалiс чукöртчöм войтырöс гажлунöн да сиис ставныслы быд бурсö, а грездлы — водзö сöвмыны да паськавны. Водзö гажсö нуöдiсны Ыджыдвидзса культура керкаысь артистъяс. Танi жö чолöмалана кывъясöн да мича сьыланкывъясöн петкöдчисны чужан му нимöдысьяс — Василий Попов да Геннадий Попов.
Локтан воö, 2015-ын, Джиян грездлы тырас 340 во. А панысьнас вöлöма (Жеребцовлöн небöг серти) Иван Савельевич Попов. Сiдзкö мöд во, нöшта на, кыпыдджыка пасъясны тайö Крам праздниксö. Такöд йитöдын кора Джиянсаöс да районса олысьясöс гижны «Звезда» газетö грезд йылысь гижöдъяс, казьтылöмъяс. Öд, Джиян кöть и ичöт грезд, а со куим Героиня-мам танi овлiсны. Тайö Ирина Мефодьевна Попова, Мария Максимовна Попова да Мария Григорьевна Иванова.
Добавить комментарий
Добавлять комментарии могут только зарегистрированные и авторизованные пользователи.