«Вашкун ярманга» - медбур войтырсикас эстрада сьыланкыв
Тöв шöр 13 лунö Кулöмдiнын мунiс «Василей» öнiя сьыланкывлöн республикаса праздник-фестиваль.Гаж вылын петкöдчисны и миян районса сьылысьяс. «Вашкун ярманга» сьыланкыв (кывъяссö гижис Нёбдiнысь Елизавета Макарова, а шыладсö лöсьöдiс Кöрткерöсысь Алексей Ген, сьылысьыс -Анастасия Казакова, сьыланкыв лои медбурöн «Войтырсикас эстрада сьыланкыв» нимпасын.
Сiдз, Кöрткерöсса исскуство школаын велöдысь Альбина Стахиева «Зарни ёль» оркестрлöн ворсöм улын сьылiс «Эжва-юöй» сьыланкыв да шедöдiс таысь Диплом.
Тайö жö школаын велöдчысь Анастасия Казакова сьылiс Кöрткерöсса «Ярмарка» йöктысь котыркöд «Вашкун ярманга» сьыланкыв (кывъяссö гижис Нёбдiнысь Елизавета Макарова, а шыладсö лöсьöдiс Кöрткерöсысь Алексей Ген). Тайö сьыланкыв лои медбурöн «Войтырсикас эстрада сьыланкыв» нимпасын. Ставнысö — сьылысьöс, кывъяс гижысьöс да шылад тэчысьöс — жюри пасйис Дипломъясöн, а фестивальса öти спонсор — «Мегафон» сотöвöй операторöн веськöдлысь — козьналiс плед. Дипломöн пасйисны и йöктысь котырöн веськöдлысь Елена Ветошкинаöс.
Добавить комментарий
Добавлять комментарии могут только зарегистрированные и авторизованные пользователи.
