Унатор вежсис кызь воöн
Мича, озыр пелыся ар воис. Сiдзкö бара на видз-му овмöсъясын уджалысьяслы воис кад пасйыны ассьыныс праздник. Шойччыны гожся страдаысь, ыркавны гожся пöсялöмысь. Кыдзи олö Нёбдiнса колкоз? Кызь во коли, кор разалöм кольта моз киссьöм «Сторожевскöй» совкозысь торйöдчис татчöс овмöс. Нимсö та бöрын вежлiс унаысь, но сиктсалы век колкоз.
Мича, озыр пелыся ар воис. Сiдзкö бара на видз-му овмöсъясын уджалысьяслы воис кад пасйыны ассьыныс праздник. Шойччыны гожся страдаысь, ыркавны гожся пöсялöмысь. Кыдзи олö Нёбдiнса колкоз? Кызь во коли, кор разалöм кольта моз киссьöм «Сторожевскöй» совкозысь торйöдчис татчöс овмöс. Нимсö та бöрын вежлiс унаысь, но сиктсалы век колкоз.
Эм мый висьтавны бур йöзлы. Тырмымöн заптöма (3 гу) вылын качествоа силöс. Мисьтöм поводдя вöсна эз заптысь кос турун, сы пуд пöшти кык пöв лои гартлöма плёнкаö веж турун. Дерт, доныс ойöстö, лыддьыны кö став рöскодсö быд тюк мöслы нырулас воöм бöрын — сувтö 2 сюрс шайт дон. Но ассьыс донсö вештö, со лысьтысьысьяс босьтiсны быд мöслысь 5 сюрс литра йöв. Ставсö вылын сортöн, мыйтакö мунiс весиг «экстра» сортöн. Плёнка, дерт, дона, но кöть сiйö нин бур, мый ас, российскöй, а то некымын во сайын чванлив прибалтикаысь вöлi вайöны. Нёль доярка старайтöны нёльсё юр, нöшта витöд — ялавичъясöс.
Веселджыка видзöдö и татчöс веськöдлысь Анастасия Семёновна. 2007 восянь лои мырсьöма выль карта кыпöдöм могысь. То öддзылас уджыс, то веськыда матö пö волам. Öнi коли сöмын повны 50 градуса кöдзыдысь. Тырвыйö уджалан выйöдз воис и начкысянiн. Öнi сэнi шоныд, сюйöма би да ва. Нöшта выль мог — кыпöдны кукань видзанiн.
Уджъяс механизируйтöм вöсна кокньыдджык лои йöзöн. Кыдзи пыр, веськöдлысьяс лыддьöдлöны медбур уджалысьясöс. Механизаторъяс Анатолий Иванович Винокуров, Иван Анатольевич Савин, Михаил Станиславович Макаров, автослесарь Иван Валерьевич Латкин, став мöс лысьтысьысь, сварщик Валерий Николаевич Артемьев да унаöн мукöд пуктöны ассьыныс пай овмöслöн бур славаö. Уна во кукань старайтысь Николай Васильевич Латкинлы (снимокын) праздник кузя лои сетöма республикаса заслуженнöй уджалысь тöдчана ним. Быдöн ньöти вежöгтöг шуö, мый мортыслы нимыс лöсялö сё прöчент вылö.
Ыджыд мытшöд, абу сöмын Нёбдiнын, оз локны овмöсъясö том специалистъяс. Танi ёна колöны агроном да ветврач. Он бара кинад лöсьöд, сёйысь вöч. Дерт, велöдчöны жö тайö уджас, но кольччöны карö озыр йöзлысь дона пон-кань шырны-кудритны, гыж тшöтшöдны. Талунъя лун кежлö артмö, мый ветфельдшер Наталья Михайловна Вязовалы лоö уджавны куим пыдди: аслас уджыс, бригадирлöн да зоотехниклöн. А пемöс юр лыд воис нин витсёöдз. Пöрысьмö уджалысь котыр, думнö, мый лоö во дас мысти...
Неважöн Нёбдiнö волiсны дона гöстьяс. Овмöсыс бур сьöлöмöн примитiс республика пасьтаысь медбур лысьтысьысьясöс, кодъяс воöмаöсь нин 7, 6 да 5 сюрс литра йöлöдз. Гöстьяс ёна и дивуйччисны да бурпöт вежалiсны выль карта вылö. Ёна серамныс петi гыжъясянiн дорын мöсъяслöн бергалöм вылö, весиг пö öд нюмъялöны сэки. Ошкисны колкозлöн нуръясянiнлысь сöстöмлун да кыпыдлун.
Талун Нёбдiнса ёрта котыр видзöдö водзö вылö бур вылö ыджыд надеяöн!
Добавить комментарий
Добавлять комментарии могут только зарегистрированные и авторизованные пользователи.
